Völlig unerwartet het üs am 20. Mai 2025 es furchtbars Gwitter erreicht.
No am Mittag heimer dr Radar agluegt und sy dervo usgange, dass es de am Abe ganz normau chunnt cho rägne. Churz nach de 1 isch aber när es grosses Gwitter über üs bliebe stah und het sech ca. 3 Stund genau über üs entläärt … Nach ca. 2 Stund hets e churzi Pouse gäh und z’Wasser het sogar hurti chönne abfliesse. Aber churzi Zyt später isches no mau für ca. e Stung wyter gange … Das sy d’Resultat dervo.
Mir sy sehr dankbar, dass mir keh einzige Tropfe Wasser hei im Huus gha und dass mir sy bewahrt worde vo au dene Blitze, wo immer wieder abe sy näbe üs während däm mir hei probiert das Wasser chly abzwehre, Abwasserrinne frei z’mache und Abflussmöglechkeite z’schaffe.
Und mir chöi nume stuune, wie guet dass sech d’Natur erhout het. Me gseht de Härdöpfu gar nüt meh a und mir fröie üs wyterhin ufne gueti Ärnt!
Übrigens: üsi erschti Frucht isch scho gly riif. Das heisst mir montiere itze de d’Essigflöige-Fauene wieder und fröie üs uf die erschte Chirschi. Wenn du o wetsch, de mäud dy doch, mir gäbe dir de Bscheid, wenn sy nache sy!