So gseht’s us …

Itz hätte mir üsi Homepage parat und chönnte üsi Frücht wunderbar uf dere Site vermarkte …

Aber wie’s so isch bym Buure: mir sy sehr fescht vom Wätter abhängig und das isch für d’Frücht das Jahr nid guet gsy. Die meisti Bluest isch scho vorem Blüeie erfrore.

Drum hei mir gar keni Chirschi gha und o uf Mirabelle und Reinclaude müesse mir das Jahr verzichte. Zwätschge wird’s es paar Wenigi gäh und o es paar Kilo Öpfu und Bire wärde mir dörfe ärnte.

Leider chöi mir drum das Jahr nume chliny Mängine abiete. Wär Zwätschge, Öpfu oder Bire i chline Mängine wett, darf sech by üs mäude und chunnt uf ne Warteliste. Mir wärde die Liste nach Igang abarbeite und öich Bscheid gäh, wenn dir d’Frücht dörft cho hole oder mir se liefere.

Umso meh Fröid hei mir, dass es e gueti Härdöpfu-Ärnt git. Dir dörft gärn by üs cho ichoufe…

Kommentar verfassen