Im 2020 wär z’Jubiläum vor Viehzucht Homberg & Umgäbig gsy. Aber das isch das Jahr, wo’s näbe Corona (fasch) nüt het gäh und ümu de ganz sicher nid es grosses Fest.
Umso meh het meh sech uf dä Tag das Jahr gfröit. Was isch i dr Wuche vorhär Aues gschaffet u vorbereitet worde?! Uf de Höf sy Chüeh gschore und gwäsche worde, Chäubli hei dörfe gah spaziere, Bluemeschmuck isch gmacht worde, passendi Chleider kouft und zwäg gmacht, usw. Und när gits da no die, wo dr ganz Ort vom Fest hei zwäg gmacht. Und zwar so, dass es eifach nume WOW isch gsy und no lang, lang wird in Erinnerig bliebe …
Scho vor dr Schou isch für üs klar gsy, dass mir keh „Miss“ wärde heinäh, dä Druck hei mir nid gha 🙂 Aber mir möh’s dene 5 Züchter gönne, wo d’Priise für d’Miss Junior, d’Miss-Senior, d’Miss Schön-Euter Junior, d’Miss Schön-Euter Senior und d’Miss Homberg hei dörfe abhole. BRAVO!
Umso meh Fröid hei mir a üsne wunderbare Ching gha, wo sech jede Tag meh uf die Schou hei gfröit und fasch nid hei chönne warte, bis es ändlech mit de Chäubli zum Restourant Chrütz hingere isch gange. Dr „Ring vo de Ching“ isch när o üses Highlight vom Tag worde. Eifach e schöne Momänt!
Das gseht ja wunderbar us u tuet richtig guet💝