Dr Lukas het meh aus 10 Jahr by Gartebou Brügger (hüt Brügger Gärten) dörfe schaffe und Erfahrige sammle. Die tägleche Stau- und Hofarbeite hei aber gly zeigt, dass me das nid mitere Astellig unger ei Huet cha bringe.

So het sech dr Lukas im 2010 entschiede, säuber es Gschäft z’gründe.

Für üs isches es riese Gschänk, dass mir bis dahäre immer mit sehr verständnisvoue Chunde hei dörfe ungerwägs sy. Da sowou d’Arbeite aus Landschaftsgärtner wie o die aus Landwirt am Beste by guetem Wätter klappe, muess guet planet wärde. Mir gäh Aues, Ufträg möglechst suber und schnäu uszfüehre und d’Chund hei Verständnis, wenn dr Landschaftsgärtner im Hochsummer by ufziehende Gwitterwulche plötzlech es riise zu sym Heu het 🙂

Syt es paar Jahr darf Gafner Gartebou o es paar Liegeschafte ganzjährig betreute. Das heisst Rase mäie, Wüsche, Jäte und wyteri Arbeite im Uftrag erledige.

E Garte y Schwung z’ha, e Rase pflege und öpis Schöns dörfe gstaute; das isch d’Fröid vom Lukas.