Uf üsem Hof dörfe mir OBST, HÄRDÖPFU u GETREIDE aboue u ärnte.

Mir sy sehr ufe Wätter-Säge agwiese. So gits Jahr, wo d’Ärnt riesig isch. Aber o Jahr, wo nach dr Bluest aues erfriert oder d’Härdöpfu und z’Getreide verhaglet wärde…

Usem Obst löh mir o no SCHNAPS und SÜESSMOST lah mache, wo mir Öich gärn o tüe abiete.

Z’GETREIDE verchoufe mir grad diräkt dr Mühli.

Im Summer geit e Chueh uf d’Alp Meniggrund und vo ihre dörfe mir immer feine ALPCHÄS verchoufe.

Circa vier mau im Jahr tüe mir SÖI metzge und z’FLEISCH diräkt ab Hof verchoufe. d’Date derzue sy jewiils uf dr News-Site ufgschautet oder Dir chöit nech o diräkt mäude, wenn Dir wettet informiert wärde.