Sytem Ougust 2022 hei mir üses Getreide nüme abgäh, sondern löhs lah mahle und verchoufes zum Teil diräkt ab Hof. Das wo zviu isch, bruche mir aus Fuetter.

Es isch es mega Gschänk, dass mir mitem Beat Blum im Jassbach öper hei gfunge, wo mir das Projekt hei chönne starte und mir sy sehr dankbar für die sehr unkomplizierti und agnähmi Zämearbeit i de letschte 3 Jahr. Natürlech giut üse DANK o au üsne Chunde, wo Fröid hei a üsem Määu.

Da d’Aforderige ane Brotmühli immer grösser wärde, het sech d’Mühli im Jassbach entschiede, dass sy y Zuekunft nume no Fuettergetreide wärde verarbeite.

So symer uf d’Suechi gange nacheme nöie Betrieb, wo üses Chorn chönnti mahle. Und mitti Juli hei mir bereits z’erste mau dert dörfe gah Määu hole.

Es isch d’Stomeg Stettler AG vo Eggiwil. Es Unternähme wo syt 1804 Brotmääu tuet mahle. Vouer Begeisterig dörfe mir öich itze immer no üses Getreide, aber imne nöie „Chleid“ präsentiere.