Ja, s’isch wieder so wyt – mir fiire Wiehnachte. Aber fiire mir’s würklech? Oder fiires vorauem aui Läde, wo üs zeige, was mir no Aues müesse ha? Bisch du scho zur Rueh cho oder no vou im Gschänkli- und „no-hurti-erledige-Stress“?

Mir isch das Jahr so nöi bewusst worde, dass Wiehnachte o bedütet, dass e grossi Fröid zu üs uf die Wäut isch cho.

Aber so oft heimer ganz viu Gründ, wieso mir grad nid chöi fröhlech und glücklech sy. … e agschlageni Gsundheit, viu „to-do’s“, Behördegstürm, truuregi Chriegsnachrichte, Konflikte ir Familie, e gottlosi Politik …

Aber i ha dörfe erläbe, dass es o immer wieder e Entscheidig isch. Mir dörfe die Fröid, wo über au üsne Sorge u Ängst isch, ganz bewusst i üses Härz ine lah.

I wett dy ermuetige, das ir nächste Zyt mau z’probiere. Wenn du grad aui angere Gfüeu y dir hesch aus Fröid, dy bewusst ufz’tue für d’Fröid vo Jesus.

I by sicher, z’Läbe wird dir gnue Glägeheite biete, das z’Üebe 😉

I däm Sinn wünsche mir aune ganz fröhlechi, z’friedeni Wiehnachte – Halleluja, Jesus isch uf die Wäut cho!