Aues geit mau verby… so o die Wahle füre Grossrat vom 29. März 2026.
I (Delila) darf ufne wunderschöni Zyt zrugg luege. Ha viu dörfe erläbe, lehre und nime wieder viu Sache y mym Läbesrucksack mit.
Mit mym persönleche Ergäbnis biny sehr z’friede. Mit 2’422 Stimme ha ig knapp 45% meh Stimme chönne abhole aus vor vier Jahr und das macht my sehr dankbar. Ungloublech, dass so viu Lüt hinger mir stöh und mir ihres Vertoue gschänkt hei.
DANKE VIU, VIU MAU für jedi Stimm!
Aus EDU vom Kanton Bern heimer zwöi Sitze meh chönne mache und aui Bishärige bestätige, was doch es sehr schöns Ergäbnis isch. Füre Wahlkreis Thun hei mir ghofft und gloubt, dass es no e zwöite Sitz git – was leider nid glängt het.
I darf ufem 2. Platz, d.h. erste Ersatz sy – e mega Ehr!
Danke für jedi ermuetigendi Nachricht und jedes Gebät, die wunderschöne Blueme und mym wunderbare Maa, wo mir so dr Rügge frei bhautet het. Natürlech hets my o riesig gfröit, dass drü Kids sy mitcho uf Bern – womer uf z’Ergäbnis gwartet hei und dr Janis daheime dr Stau het gmacht.
S’isch o immer mega spannend z’luege, vo wo „genau“ dass me de siny Stimme überhoupt übercho het. Uf dene Statistike gseht me, dass ig – logischerwiis – am meiste Stimme vo dr EDU ha übercho. Aber o süsch het’s rächt viu Lüt gäh, wo uf ihrer Liste fürne anderi Partei ei oder mehreri Näme hei gstriche und my Name hei häregschriebe.
U när hets natürlech o no die Listene, wo äbe „Birchermüesli“ sy (uf dere Statistik „neutrale Listen“) . Das heisst, d’Wähler schriebe eifach jede Name vo ganz verschiedene Parteiene uf und gäh ihri Stimm so ab.
S’isch o immer mega spannend z’luege, vo wo „genau“ dass me de siny Stimme überhoupt übercho het. Uf dene Statistike gseht me, dass ig – logischerwiis – am meiste Stimme vo dr EDU ha übercho. Aber o süsch het’s rächt viu Lüt gäh, wo uf ihrer Liste fürne anderi Partei ei oder mehreri Näme hei gstriche und my Name hei häregschriebe.
U när hets natürlech o no die Listene, wo äbe „Birchermüesli“ sy (uf dere Statistik „neutrale Listen“) . Das heisst, d’Wähler schriebe eifach jede Name vo ganz verschiedene Parteiene uf und gäh ihri Stimm so ab.
