Immer wieder chani eifach nume stuune, ab üsne wunderbare Jahreszyte. Jedi het wieder so ihres Schöne und i fröie my immer wieder ufe Wächsu.

Ja, es git grad sehr, sehr viu Arbeit und mir hei nid Zyt für das Wätter y de Bärge z’gniesse oder Usflüg z’mache. Aber mir hei e Wuche i d’Ferie dörfe und gniesses itze o bym Kaffi, wenn mir dörfe i die wunderbari Natur use luege. U genau so begeisterndi Kaffi-Pousene wünsche mir o öich!

Was fürne Fröid, mir hei Härdöpfu ohni Drahtwürm dörfe ärnte! Es riese Gschänk und mir sy üsem Schöpfer mega dankbar! Es het auso wieder …

Scho vor de Ferie hei mir dr erst Most lah presse, dä wär auso o wieder erhäutlech 🙂

D’Zwätschgeärnt isch düre – mir hei rund e Tonne perfekti Frücht dörfe verchoufe und o viu no chönne y z’Fessli tue für herrleche Schnaps (Zwätschge-Schnaps, Zwätschge-Ligör oder Vielle Prune).

Itze isch Lukas am Öpfu abläse. Es het sooo viu. Und gsehts nid eifach wunderschön us.