Wie dir sicher aui heit mitübercho, isches o für d’Härdöpfu nid grad nume es eifachs Jahr gsy. Viu Buure hei ihri Chnoue ersch grad i de letschte Wuchene chönne ärnte oder hei Aues müesse umefahre – natürlech ohni Ertrag.

Drum hets das Jahr definitiv zweni inländeschi, feini Härdöpfu.

Wenn’s vo Öpisem zweni het, spiut dr Märit. Das heisst, dass entweder z’Produkt tüürer wird oder d’Qualität abegschrubt wird.

Mir hei üs entschiede, dass mir am Priis nüt wette ändere, aber dass es – grad i dere Saison – wichtig isch, dass me o Härdöpfu I. Klass verchouft, wo bis zu eim Schönheitsfähler hei.

Mir danke scho itze aune, wo trotzdäm wyter by üs Härdöpfu choufe.