Härdöpfu

Zwüsche au dene Rägewuchene hets da mau drü Täg gäh, wo’s het chönne abtrochne und mir d’Härdöpfu hei chönne setze … super!

Und nach nume 3 Wuche isches scho Zyt gsy, d’Härdöpfu ufz’walme. Das mache mir, dass die Stude o wyterhin gnue Härd hei und dass z’Wachstum vom Gjät ghemmt wird.

Aus nächsts giut üses Ougemerk dä Härdöpfuchäfer. Mir hoffe ganz fest, dass nume weni dr Wäg uf üses Fäld finge und mir se chöi „abläse“. S’isch o immer wieder e Fröid z’gseh, wie üs d’Himmugüegeli bir Bekämpfig vom Chäfer häufe 😉 Und mir bätte fest, dass dr Drahtwurm üsi Härdöpfu nid fein fingt und hoffentlech o gar nüme im Fäud isch.

Schreibe einen Kommentar