Ups, das tönt fasch chly kurlig 😉 Aber keh Angst, mir mache nüt Gfährlechs uf üsem Hof 😉

Normalerwiis chöme afangs Mai d’Schwalbeli wieder vo ihrne Ferie im Süde zrugg. Obschon, Ferie sy das ja äuä nid, wenn me soooo wyt muess flüge. Uf jedefau sy die wunderschöne Vögeli das Jahr scho wieder da und es isch eifach ungloublech schön! I ha wöue schöni Föteli und Fiumli vo ihrne Flugkünstg mache, aber das chame gar nid festhaute. Aber chum doch mau verby und du wirsch üsi Schwaubeli sicher gseh.

U när hei mir hüt am Namittag by wunderschönem Wätter und emne ganz trochene Fäud dörfe üsi Härdöpfu setze. Das isch immer wieder e wunderschöni Arbeit. Itze hoffe mir, dass es de gly mau no chly Räge git. U de stöh für üs scho gly die erste Heu-Arbeite a….