So, itze isches aber scho grad chly lang stiu gsy hie by üs … oder ümu uf dr Homepage.  Mir hei nämlech kes Sabbatical gha und und sy o nid uf Wäutreis gsy 🙂

Mir hei Fröid, dass mir syt zwöi Jahr dörfe Brotgetreide aaboue und es fägt mega, dass mir i dr Mühli Jassbach e Betrieb hei gfunge, wo üses Getreide zu Mehl tuet verarbeite. By üs chame scho syt eme Zytli Semmel, Ruch-, Haubwiis- und Dinkumehl choufe. (Dinku tüe mir aber nid säuber aaboue).

Nach „Tüftle und Usprobiere“ isch itze dr Huckhuus-Chnüppu entstande: e fix-fertegi Brotbackmischig!
Es isch Aues drinne, du bruchsch nume no chly Wasser. Und es steit o genau drufe, wie dass me das feine Boumnuss-Brot cha mache. Natürlech isches dir völlig frei glah, ob du dä Teig de o zumne Chnüppu tuesch forme oder lieber eifach es „normaus“ Brot machsch …