Danke ….

Vo Härze säge mir DANKE, dass soviu Lüt i dr Schwiz hinger dr Landwirtschaft stöh! Mersi o öich für jedi Stimm. Mir haute üses Verspräche und setze wyterhin so weni Pestizid wie möglech y und dass mir zum Trinkwasser – wo mir ja säuber o trinke – Sorg hei, isch ganz säubverständlech.

Es paar News vo üsem Hof ...

K640_IMG-20210615-WA0006
K640_IMG-20210615-WA0005
K640_IMG-20210615-WA0008

Wow, was fürne Säge: mir hei ungloublech viu Fuetter dörfe itue. Gägenüber letschts Jahr, het me das Jahr sehr spät chönne heue. Aber soviu Fuetter hei mir no nie gha. Eifach es Gschänk!

Mir sy vo Härze dankbar für das wunderbare Wätter und für aui Häufer. Sig’s bym Schwadere, Ablege, Räche, Choche, Ching hüete und wieder Putze um z’Huus ume… vergäuts Gott!

K640_IMG-20210615-WA0007

Am 14. Juni het’s am Morge uf dr Weid es chlyes Muneli gäh. D’Sarona, d’Mama vo däm Chlyne, het das super gmacht!

K640_20210615_062449

D’Härdöpfu fröie sech o a däm schöne Wätter und sy fliisig am Wachse.

Im Chäuer het’s no es paar Kilo auti Härdöpfu. wo no Abnähmer sueche. By Inträsse darfsch dy gärn mäude.

K640_20210609_115434

Kommentar verfassen