Am 30. Apriu hei mir üsi Härdöpfu chönne setze. Wie jedes Jahr hei mir o das Jahr wieder vier Sorte, d’Früehsorte hei mir neu Annabelle.
Wow, genau 2 Wuche später, nämlech am 13. Mai 2024 hei die erschte Härdöpfu-Stude ihres Gringli use gha …
… das isch itze dr Momänt, wo mir d’Härdöpfu tüe „ufwäumle“. Das heisst, dass me dr Härd wieder ufe Hügu mit de Härdöpfu ufe tuet und es tuet o grad z’Gjät wieder kaputt mache (und mir müesses nid sprütze).
Wow, zum 3. mau i dere Wuche dörfe mir e wunderbare Rägeboge bestuune. O d’Härdöpfu hei scho wieder mega gwachse. Dr Rägeboge – dr Säge vo Gott – spräche mir grad übere dene Härdöpfu us.
