Was fürne schöne Moment … wenn plötzlech d’Zyt chunnt, wo d’Ching die sy, wo völlig motiviert wei Chauber und Chüeh schäre und a d’Viehschou gah. D’Liana – üse Tierfründ – isch y ihrem Elemänt!
D’Elaja, üsi 7-jähregi Chueh, wo vo Fründe isch benennt worde, scho 7 Chauber het übercho u jede Summer ufe Meniggrat z’Bärg geit het üs ar Viehschou so richtig überrascht. Mit 97 Punkt isch sy ir Kategorie 7 ufe 3. Platz cho. Mir fröie üs mega!
