S’git das Jahr wunderbar viu Frücht und d’Böim wüsse fasch nid, wie die Frücht trage.
I de letschte Wuche hei mir üsne Böim Wasser gäh und hei so chönne verhindere, dass d’Frücht scho vor dr Riifig abegheit sy.
Chirschi, Reinclaude und Mirabelle sy mittlerwile scho usverchouft und mir danke aune Chunde ganz härzlech für ihri Tröii!
Ab sofort hei mir (fasch) jedi Mängi Zwätschge (Fellenberg, Debrovic, Jojo, etc.)
O die erschte Öpfu sy scho riif und verchoufsbereit. Leider isches so, dass me by de Öpfu dr Haguschade gseht und mir öich drum nid perfekti Frücht chöi liefere. Derfür überchunnt me se das Jahr günstiger 🙂
Und itze fröie mir üs, dass mir öich es nöis Produkt ab Hof dörfe vorsteue! Mir hei das Jahr Brotgetreide about, hei das ir Mühli Jassbach lah mahle und verchoufe öich itze gärn dervo. Dir überchömet 5 oder 10 kg Säck. Nid eigets, aber o verchoufe tüe mir Dinkumäu.
Wichtig: 10 kg Säck unbedingt vorbsteue!!
